NGABE USIKO YILONA OLUYINKINGA, NOMA YINDLELA YOKUZIPHATHA?

Indoda Yamaqiniso | Wednesday, January 19, 2022

Uma abaNtu besifazane becabanga ukuthi usiko luyabacindezela uma kuthiwa indoda akumele ithathe umuNtu wesifazane osezele njengomfokazi wokuqala, kungani bengakucabangi futhi bengakusho ukuthi usiko luyabacindezela abesilisa ngokuthi yibona abalobolayo, bekhiphe izibizo, benze ama-loan asabekayo ukuze ashade yena emulethe emzini wakubo?

Kungani bengakucabangi ukuthi umuNtu odlula kubo bonke lobu bunzima, egameni lokuba nomfazi, unelungelo lokuzikhethela ukuthi udinga UmuNtu onjani emabaleni akubo, elandela usiko nemikhuba yakubo, yabadala abazayinzalabaNtu kuyena?

Kungani lejenda ifuna ukuphoqa ukuthi ithathwe ngenkani? UmuNtu ofuna ukuthatha umuNtu osezele unelungelo lokukwenza lokho. Naloyo ongafuni naye futhi unelungelo lokukwenza lokho, aphinde abe nelungelo lokukhuluma esidlangalelani ngokuthi luthini usiko lokhokho bethu.

UmuNtu engimzwelayo mina nengingama naye, yiloyo owanukubezwa, wadlwengulwa wagcina ngokuthola ingane engahlosile.

Abanye, angazi futhi angiqondi ukuthi umsindo ongaka owani. Uma wenza ucansi ungagcagcile usuke uthatha i-risk enkulu kabi. Unelungelo lokwenqaba. Uma uvumile, konke okuzokwenzeka emumva kwalokho kuyiphutha lakho nawe.

Musa ukuba yiqili ke, uphushele iphutha lakho komunye umuNtu sengathi wakubamba ngenkani.  

AbaNtu besilisa, ngokudaleka kwabo, bangosomathuba, bahlale bevukelwe futhi banamanga. Basebenzisa amanga ukuze bathole lokho abasuke bekubona ngaleso sikhathi.

Yingakho-ke kwabonakala isidingo sokuba kuqiniswe isandla kwabesifazane, bafundiswe ukuziphatha kahle. Ngokwenza lokhu, kusuke kungacindezelwa owesifazane, kodwa AbaNtu abadala babehlakaniphile futhi bazi ukuthi izikhiye zonke zilele kowesifazane.

Uyena ovalayo, uyena ovulayo futhi. Uma kwenzekile, kusuke kuyintando nokufisa kwemizwa yakhe ngaleso sikhathi.

Inkinga enkulu esibhekene nayo njengamanje abaNtu besifazane abamuncu nabangafuni ukuthatha i-accountability ngezinqumo zabo.

Ngalombhalo wami angisho ukuthi umuNtu wesifazane ozele akumele athathwe enziwe umfazi, nokuthi mina ngeke ngimthathe umfazi osezele. Ngizama ukubhekana nolaka lwabesifazane abalubhekise kulabo abathi ngeke bekwenze lokho. Alunasidingo. Labo abathi ngeke bemthathe owesifazane ozele kuyisinqumo sabo lokho, nokiyisinqumo esihambisana nosiko lwabaNtu.

Esikhundleni sokuthi abesifazane behlasele usiko, kungani bengahlaseli indlela yokuziphatha nezinqumo zabo?

Comments

Post a Comment

Popular posts from this blog

ILABATHEKA/INKOMFE

Image
Indoda Yamaqiniso | Tuesday, June 21, 2022 Lelikhambi ngesiZulu silibiza ngokuthi yilabatheka/yinkomfe/yidumbe lentaba. KwaXhosa bathi yinongwe/yixhalanxa, yikhubalo lezithunzela. Umuthi lona oyikhubalo nonamandla amakhulu nasabekayo. Akuyona into yokudlala. Uyaphilisa, uyabulala futhi. Umuthi wezimanga lona okuthi uma uwudlile, noma uwudla, kungabi nasifo nesisodwa esikwazi ukumelana nomzimba wakho. Uma uye emtholampilo bakutshela ukuthi unegciwanethizeni, leli abathi alilapheki, lomuthi, uthakwe nomunye noma uwodwa, uyawusebenzisa njengomshanguzo. Angizikukhuluma okuningi ngalo la esidlangalaleni ngoba ngizoboshwa, nezifundiswa zithi ngidukisa abaNtu, nazo zibe zingazi lutho. Mina ngilibiza ngoNkulunkulu wemithi. Uma ngihlanganisa izinganisela zamakhambi angilishiyi nangephutha. Uma ngingalifakile, kuyefana nokuthi kushodwa uhhafu wonke walokhu engisuke ngikuhlanganisa. Yilona elikwazi ukuvusa yonke imithi osuke uyisebenzisa ibe namandla, ngolimi lwezilwane ez
Read more

UMNUKELAMBIBA

Image
Indoda Yamaqiniso | Wednesday, June 29, 2022 Lomuthi olimini lwesiZulu siwazi ngokuthi umnukelambiba/umsanga/umwashampunzi/unukambiba/umnukambiba etc. kuye ngokuthi niwubiza kanjani esigodini sangakini. KwelakwaXhosa bathi umtuto)umnukandiba/isifutho iIsitutu. Lona umuthi oyisihlahla esinamahlamvu omila endaweni eminyene, ehlathini. Umila neminye imithi, awumi wodwa. Bayakwazi ke ofeleba ukuwenza induku ozoshaywa ngawo ukuze unuke kubaNtu, ube nephunga elibi ngisho ugezile. Ngisho ungaziqhola ngamakha abizayo, kuyazifanela nje. Bayawuthaka ke neminye imithi ukwenza lokhu, kugaywe esibi sichitho lesi. Njengoba ke sazi ukuthi iva likhishwa ngelinye iva, muhle kakhulu ekwelapheni umuNtu oshaywe ngayo lenduku, njengoba ngendlale ngenhla. Uphinde ube wugalagala emithini yokugeza idlozi elingcolile/elingcolisiwe/okugangwe ngalo (ukukhulula abaNtu abadala abagqilaziwe/abathunjiwe). Izimpande zawo lomuthi zibizwa ngokuthi “uMxolisi”. Zibizwa kanjena nje yingoba uma wonile ethongwe
Read more

UKWELASHWA NOKWELAPHEKA KWEMIMOYA YABANTU ABADALA.

Idlozi elingageziwe liyenzisana amanyala angamukelekile osikweni-mpilo lwakobaNtu. Lokhu kuhlanganisa: * Ubufebe(okudalwa yimizwa ephezulu nengalawuleki. * Ukuphuza utshwala ngokweqile, ungakwazi ukuzilawula, uphuze ngisho usungathandi nawe uze ubone ukuthi kunalento ekuphuzisa utshwala ngenkani. Abanye baze babone izinto eqzifihlakele uma bephuzile kuphela, ezithole esehlolela abaNtu khona la. * Ukuthanda ukulala nabaNtu bobulili obufana nobakho; noma ufune ukuzenza ubulili okungebona obakho. * Ukuganga, ukhuzwe ngapha nangapha, uyeba, awufuni ukuphila impilo eqondile nokugcina kukwenze uphume ungena emajele; nokugcina ekufeni. Kuningi kakhulu engingakubala. Inkinga enkulu ke isekutheni noma umuNtu esekutholile ukuthi unabaNtu abadala, abaNtu abazibiza ngabelaphi, ogobela, iningi lapho liyehluleka ukuhluza isimo sedlozi eliphila kuloyo muNtu, ukuze lelapheke phela, umuNtu abuyele esimweni sempilo eqondile. Into eyenzekayo ukuthi abaNtu bayangena emaphehlweni, benziwe into okungeyona a
Read more