ISIBONGO SAKHO

Indoda Yamaqiniso | Sunday, Junuary 05, 2019

Uma uzalelwe komalume ungenzelwe lutho ohlangothini lukababa, kusuke kudlalwa ngawe uma kuthiwa bheka isibongo sakho ngoba usuke ukini lapho, ekhaya komama, usedlozini lakho langempela elikulandela ngisho unyoko esegane kubo kobaba wakho.

Yingakho kuthiwa umuntu wesifazane uyagana, ngoba kusuke kugana idlozi lakubo, hhayi umuntu, umuntu usuke ephelezela ngokwenyama, eyokwandisa umndeni azale abantwana lande idlozi kulowo muzi. "Sizocela isihlobo/ubuhlobo esihle/obuhle". 

Yingakho umshado omhlophe kuyinto engekho, umkipito nembudane.

Uma uke wakwenza ukuthi uzikhiphe uthi uyofuna isibongo sakho, sekuyobe kuwukuqala kwezinkulu izinkinga eziyokwehlela kuso sonke isizukulwane sakho. Usukele umlilo uzihlalele, uzowotha ushisa unjalo

Uma uzalelwe ekhaya komama uyatshelwa ukuthi wena wazalwa yisende lakwabani, kodwa ungowala ekhaya ngokusemthethweni nangokugcwele, futhi wena izinto zakho zingahamba kahle ukudlula abantwana abazalwa ngamadodana uvuse lomuzi. Awoke ukunake lokho.

Kwenziwa yini lokho na?

Uboke ubheke izalukazi uma zisaphila azifuni lutho ngezingane zamadodakazi okuyinto eqhatha omakoti nomamezala babo ngoba abayiqondi lento ukuthi ujule kanjani. Noma sezingale ezweni lomoya izalukazi kuba njalo. Abantu besimame ngokudalwa ngumMvelinqangi banamandla ukudlula abesilisa.

Asiyeke ke ukudukiswa abathandi bemali, abathandazi, izinyanga-mbubulu nezangoma-mbumbulu bethi funa isibongo sakho. Bakudukisa okokugcina.

Umuntu okungathiwa akafune isibongo sakho yilowo umama wakhe angamtshelanga ukuthi asazi, noma wamtshela okungesona.

Comments

Post a Comment

Popular posts from this blog

ILABATHEKA/INKOMFE

Image
Indoda Yamaqiniso | Tuesday, June 21, 2022 Lelikhambi ngesiZulu silibiza ngokuthi yilabatheka/yinkomfe/yidumbe lentaba. KwaXhosa bathi yinongwe/yixhalanxa, yikhubalo lezithunzela. Umuthi lona oyikhubalo nonamandla amakhulu nasabekayo. Akuyona into yokudlala. Uyaphilisa, uyabulala futhi. Umuthi wezimanga lona okuthi uma uwudlile, noma uwudla, kungabi nasifo nesisodwa esikwazi ukumelana nomzimba wakho. Uma uye emtholampilo bakutshela ukuthi unegciwanethizeni, leli abathi alilapheki, lomuthi, uthakwe nomunye noma uwodwa, uyawusebenzisa njengomshanguzo. Angizikukhuluma okuningi ngalo la esidlangalaleni ngoba ngizoboshwa, nezifundiswa zithi ngidukisa abaNtu, nazo zibe zingazi lutho. Mina ngilibiza ngoNkulunkulu wemithi. Uma ngihlanganisa izinganisela zamakhambi angilishiyi nangephutha. Uma ngingalifakile, kuyefana nokuthi kushodwa uhhafu wonke walokhu engisuke ngikuhlanganisa. Yilona elikwazi ukuvusa yonke imithi osuke uyisebenzisa ibe namandla, ngolimi lwezilwane ez
Read more

UMNUKELAMBIBA

Image
Indoda Yamaqiniso | Wednesday, June 29, 2022 Lomuthi olimini lwesiZulu siwazi ngokuthi umnukelambiba/umsanga/umwashampunzi/unukambiba/umnukambiba etc. kuye ngokuthi niwubiza kanjani esigodini sangakini. KwelakwaXhosa bathi umtuto)umnukandiba/isifutho iIsitutu. Lona umuthi oyisihlahla esinamahlamvu omila endaweni eminyene, ehlathini. Umila neminye imithi, awumi wodwa. Bayakwazi ke ofeleba ukuwenza induku ozoshaywa ngawo ukuze unuke kubaNtu, ube nephunga elibi ngisho ugezile. Ngisho ungaziqhola ngamakha abizayo, kuyazifanela nje. Bayawuthaka ke neminye imithi ukwenza lokhu, kugaywe esibi sichitho lesi. Njengoba ke sazi ukuthi iva likhishwa ngelinye iva, muhle kakhulu ekwelapheni umuNtu oshaywe ngayo lenduku, njengoba ngendlale ngenhla. Uphinde ube wugalagala emithini yokugeza idlozi elingcolile/elingcolisiwe/okugangwe ngalo (ukukhulula abaNtu abadala abagqilaziwe/abathunjiwe). Izimpande zawo lomuthi zibizwa ngokuthi “uMxolisi”. Zibizwa kanjena nje yingoba uma wonile ethongwe
Read more

UKWELASHWA NOKWELAPHEKA KWEMIMOYA YABANTU ABADALA.

Idlozi elingageziwe liyenzisana amanyala angamukelekile osikweni-mpilo lwakobaNtu. Lokhu kuhlanganisa: * Ubufebe(okudalwa yimizwa ephezulu nengalawuleki. * Ukuphuza utshwala ngokweqile, ungakwazi ukuzilawula, uphuze ngisho usungathandi nawe uze ubone ukuthi kunalento ekuphuzisa utshwala ngenkani. Abanye baze babone izinto eqzifihlakele uma bephuzile kuphela, ezithole esehlolela abaNtu khona la. * Ukuthanda ukulala nabaNtu bobulili obufana nobakho; noma ufune ukuzenza ubulili okungebona obakho. * Ukuganga, ukhuzwe ngapha nangapha, uyeba, awufuni ukuphila impilo eqondile nokugcina kukwenze uphume ungena emajele; nokugcina ekufeni. Kuningi kakhulu engingakubala. Inkinga enkulu ke isekutheni noma umuNtu esekutholile ukuthi unabaNtu abadala, abaNtu abazibiza ngabelaphi, ogobela, iningi lapho liyehluleka ukuhluza isimo sedlozi eliphila kuloyo muNtu, ukuze lelapheke phela, umuNtu abuyele esimweni sempilo eqondile. Into eyenzekayo ukuthi abaNtu bayangena emaphehlweni, benziwe into okungeyona a
Read more