IDLOZI NETHONGO.

Indoda Yamaqiniso | Friday, October 29, 2021.

YINI UMEHLUKO PHAKATHI KWEDLOZI NETHONGO? YIZINTO EZIMBILI LEZI EZINGEFANI.

Akulona ithonga. Yithongo. AmaThonga abaNtu abaphilayo bangapha eNyakatho nezwe lakwaZulu.

Amathongo abaNtu bakini abahambe emhlabeni bengenawo amacala, abayihambe kahle indlela yabo, kwathi uma sebedlula emhlabeni badlulela esigabeni esilandelayo sokuba yizingelosi.

Baxhumana nathi ngobuthongo uma silele, nabo belele, bese kuthiwa siyathonga nokususelwa egameni ubuthongo. UmuNtu ongenwe yithongo akathwasi, uxhumana ngqo nomnikazi wendaba ebuthongweni, amafundise konke okumele akwazi. Umtwana wethongo akahlupheki njengomtwana wedlozi.

Idlozi lona abaNtu bakini abahambe emhlabeni benamacala noma bengaliqedanga ibanga labo ababekade belibekelwe. Bathi bengadlula emzimbeni wenyama bavimbeke bengakwazi ukudlulela esigabeni sokuba ngamathongo.

Into abayenzayo ke bayabuya beze kwabegazi labo abasaphila enyameni, bebuye ngesidlozana nokuyilona gama okususelwa kulo igama ‘idlozi’. Lokhu kusho ukuthi bakwenzisa abakufunayo ngenkani, abancengi futhi ababuzi. UmuNtu osuke engenwe yidlozi usuke ebanjwe ngesidlozana ngumuNtu ohambe emhlabeni engaphelelisile noma engenzile kahle, washayisa phambili.

UmuNtu ongenwe yidlozi ujwayele ukuhlupheka, ahlukumezeke kakhulu ngaphambi kokuthi kulunge izinto. Lokhu kuhlanganisa ukuhamba uyothwasa emizini yabaNtu, uhlukunyezwa, ushwaywa wenziwa konke okubi esikwaziyo. Ngeke ngikubale konke la.

Uma ke esengene kuwe wena ophilayo, uma umenzele kahle akufunayo, ube eseyabonga, ahlambuluke abe yingelosi enhle kuwe nakini nonke ekhaya. Ube esekupha konke okufunayo, ababona kukufanele, noma okucelayo.

Comments

  1. MbusoNovember 26, 2021 at 9:08 PM

    Ngabe amaDlozi anamandla yini ekuvimbeni amathongo kuth axhumane nathi kuze kulunge lezinking amadlozi asuke esesithwese zona?

    ReplyDelete
  2. MbusoNovember 26, 2021 at 9:09 PM

    This comment has been removed by the author.

    ReplyDelete
  3. MbusoNovember 26, 2021 at 9:09 PM

    This comment has been removed by the author.

    ReplyDelete

Post a Comment

Popular posts from this blog

ILABATHEKA/INKOMFE

Image
Indoda Yamaqiniso | Tuesday, June 21, 2022 Lelikhambi ngesiZulu silibiza ngokuthi yilabatheka/yinkomfe/yidumbe lentaba. KwaXhosa bathi yinongwe/yixhalanxa, yikhubalo lezithunzela. Umuthi lona oyikhubalo nonamandla amakhulu nasabekayo. Akuyona into yokudlala. Uyaphilisa, uyabulala futhi. Umuthi wezimanga lona okuthi uma uwudlile, noma uwudla, kungabi nasifo nesisodwa esikwazi ukumelana nomzimba wakho. Uma uye emtholampilo bakutshela ukuthi unegciwanethizeni, leli abathi alilapheki, lomuthi, uthakwe nomunye noma uwodwa, uyawusebenzisa njengomshanguzo. Angizikukhuluma okuningi ngalo la esidlangalaleni ngoba ngizoboshwa, nezifundiswa zithi ngidukisa abaNtu, nazo zibe zingazi lutho. Mina ngilibiza ngoNkulunkulu wemithi. Uma ngihlanganisa izinganisela zamakhambi angilishiyi nangephutha. Uma ngingalifakile, kuyefana nokuthi kushodwa uhhafu wonke walokhu engisuke ngikuhlanganisa. Yilona elikwazi ukuvusa yonke imithi osuke uyisebenzisa ibe namandla, ngolimi lwezilwane ez
Read more

UMNUKELAMBIBA

Image
Indoda Yamaqiniso | Wednesday, June 29, 2022 Lomuthi olimini lwesiZulu siwazi ngokuthi umnukelambiba/umsanga/umwashampunzi/unukambiba/umnukambiba etc. kuye ngokuthi niwubiza kanjani esigodini sangakini. KwelakwaXhosa bathi umtuto)umnukandiba/isifutho iIsitutu. Lona umuthi oyisihlahla esinamahlamvu omila endaweni eminyene, ehlathini. Umila neminye imithi, awumi wodwa. Bayakwazi ke ofeleba ukuwenza induku ozoshaywa ngawo ukuze unuke kubaNtu, ube nephunga elibi ngisho ugezile. Ngisho ungaziqhola ngamakha abizayo, kuyazifanela nje. Bayawuthaka ke neminye imithi ukwenza lokhu, kugaywe esibi sichitho lesi. Njengoba ke sazi ukuthi iva likhishwa ngelinye iva, muhle kakhulu ekwelapheni umuNtu oshaywe ngayo lenduku, njengoba ngendlale ngenhla. Uphinde ube wugalagala emithini yokugeza idlozi elingcolile/elingcolisiwe/okugangwe ngalo (ukukhulula abaNtu abadala abagqilaziwe/abathunjiwe). Izimpande zawo lomuthi zibizwa ngokuthi “uMxolisi”. Zibizwa kanjena nje yingoba uma wonile ethongwe
Read more

UKWELASHWA NOKWELAPHEKA KWEMIMOYA YABANTU ABADALA.

Idlozi elingageziwe liyenzisana amanyala angamukelekile osikweni-mpilo lwakobaNtu. Lokhu kuhlanganisa: * Ubufebe(okudalwa yimizwa ephezulu nengalawuleki. * Ukuphuza utshwala ngokweqile, ungakwazi ukuzilawula, uphuze ngisho usungathandi nawe uze ubone ukuthi kunalento ekuphuzisa utshwala ngenkani. Abanye baze babone izinto eqzifihlakele uma bephuzile kuphela, ezithole esehlolela abaNtu khona la. * Ukuthanda ukulala nabaNtu bobulili obufana nobakho; noma ufune ukuzenza ubulili okungebona obakho. * Ukuganga, ukhuzwe ngapha nangapha, uyeba, awufuni ukuphila impilo eqondile nokugcina kukwenze uphume ungena emajele; nokugcina ekufeni. Kuningi kakhulu engingakubala. Inkinga enkulu ke isekutheni noma umuNtu esekutholile ukuthi unabaNtu abadala, abaNtu abazibiza ngabelaphi, ogobela, iningi lapho liyehluleka ukuhluza isimo sedlozi eliphila kuloyo muNtu, ukuze lelapheke phela, umuNtu abuyele esimweni sempilo eqondile. Into eyenzekayo ukuthi abaNtu bayangena emaphehlweni, benziwe into okungeyona a
Read more